Helga’s Bilder und Gedanken

27. Juli 2022

Sche, waunn ma wieda Tau’tropf’n siacht,
und wia des riacht!
Bloßfiaßat in da Friah duach’s nosse Gros,

wau, des kaunn uandle wos

Daunkboa nimmt de Natua jed’n Trop’n aun,

14. Jänner 2022

A Wei’viat’lspaziagaung mit liabe Leit,
gibt Kroft und mocht vü Freid..

.

08. Dezember 2021

Bevur da Reif owirint,
gemma a Runde g’schwind.
Duach de Köllagoss’n in Weingat und wieda retua,
afoch aussi in de Natua.

Jo sapperlott, haum ma do wos vagess’n,
woan mia so schlaumpad beim Les’n?
Dafia haum ma heite a poa Keand’l kost‘ –
geh aussi, waunnst a an Gusta host!

01. Dezember 2021

Geerdet soi ma sei,
dafia geh‘ i in mei’n Kölla nei‘.
Da Loam schottet vüles o,
noch da letzt’n Köllastiag’n is a koa Netz mea do.

I zind de oit’n Kiaz’n aun,
de san no do vum letzt’n Köllamaunn.
De Köllarean is a Kroftquö’n fia mi,
i hock mi hi und denk no iwa mi –
und vielleicht a iwa di ?

Adventbeginn 2021

Da Schnee deckt olas zua,
draußt kimmt ois zua Ruah,
sche wann i innen drin,
a so ruiwi bin.

26. November 2021

Nochdem mi jeda kennt,
seid’s soiche Gedaunk’n eh scho g’wehnt:
Schaut’s links den Syrah eich aun, dea no imme net gaunz losloss’n kaunn.
Waunn da schware Schnee kimmt dahea, is de Lost daunn dopp’lt schwea.
Da Zweig’lt hot koa Lawa mea drau, des is leichta – schaut’s eam au.
Losloss’n tuat scho guat,
net söt’n föht uns owa do da Muat.

05. August 2021

Besuch im Keller einer Freundin, den sie vom Opa (unserem damaligen Nachbar) hat:

Do hot a g’oabat, da Wiara-Nochba,
i kaunn ma’n nau vuastö’n: do trhont ea und locht a.
Ois geht eam routinemäßig vun da Haund,
den Kölla hot ea oiweu sauba beianaund.

16. Mai 2021

I hob heit ins Presshaus einiluacha miass’n,
gestan woa i scho leicht aum vadriass’n.
I bin de haundwakliche Oabat net g’wehnt,
dafia hob i net de richtig’n Händ‘ .
Daunn samma heit Moag’n aussi iwa d’Köllagoss’n,
de in da Friah ruiwi woa und gaunz valoss’n.

Unta da Wocha is des neiadings net a so,
weu do weakt oiweu iagendwea iagendwo
De Foab’n san heit kräftiga wia sunst,
de Natua beherrscht nämli die Kunst,
jed’n Tropf’n vum Reg’n
daunkboa zu nehman ois Seg’n

20. März 2021

Bei uns liegt koa Schnee,
dafia samma z’weng in da Häh,
So haumma hoit koan,
dafia bliah’n d’Veigal scho aum Roan.
Laut Kalenda is heit Frühlingsbeginn,
owa iagndwie schaut’s aus, ois wat’s nau laung bis duat hin,
d’Natua nimmt’s geloss’n und stöht si drauf ei,
des kennt uns Neagla scho a Vuabüd sei ?

04. März 2021

Kuaz nua voa de Haustia gaunga,
und du siagst: s‘ Fruahjoah hot scho aung’faunga.
Schau genauer in jed’n Goat’n,
und vakiaz da so des launge Woat’n.
Daunboakeit und aufmeaksaum sei,
gemma auf des a wangal ei,
des mocht so vü,
fia jed’n, der afoch nua wü.

20. Februar 2021

Mei Hintaus schaut heit neblig aus,
do moch i am nix draus,
kloane Zwgal san do b’sundas sche,
ma muass nua nahta zuwi geh.

Vuagestan hot de Sunn no g’leicht,
oiweu sche Weta wa jo woi zu seicht,
de Obwechlsung mocht den Tiefgaung aus,
so ziag i aus’n Hintaus-Weta meine Schlüsse draus.

14. Februar 2021

Dicker Staumm – zoartes Grea,
schene Aunlog – den Kölla braucht kana mea,
unendliche Föda – vawoxana Woid,
d‘ Sunn scheint – es is owa koit.
So is des Leb’n,
es wiad uns imma beides geb’n,
nix is nua guat oda nua schlecht,
waun ma’s a gean so glaub’n mecht.

An wundaschen Tog volla Liab winsch i eich!

09. Februar 2021

Heit in da Friah bin i zeascht a Runde gaunga,
und daun hob i zum Oabat’n aung’faunga.
Des kaun i nua an jed’n empföh’n,
es is es weat, se dafia a poa Minut’n zu stöh’n.

31. Jänner 2021

Beim schen Wetta woa ma im Weingat spazia’n,
a schoafe Luft woa scho a wengal z’g’spian.
So gean mecht i eich ei’lod’n, mit mia zu geh,
mia wean’s dawoat’n – und daun wiad’s richti sche.
Nix is söbstvaständlich im Leb’n,
mia soit’n schenen Klanigkeit’n vü Bedeitung geb’n.

12. Jänner 2021